शेल्टर असोसिएट्स ने १९९० च्या सुमारास प्रथमच भौगोलिक माहिती प्रणाली ( GIS ) तंत्रज्ञान आणि गुगल अर्थ यांचा वापर दारिद्र्य मापनासाठी केला जाऊ शकतो हे सर्वाना दाखवून दिले. या दोहोंच्या साहाय्याने स्थानिक पातळीवर वस्तीतील प्रत्येक घर आणि आजुबाजुच्या परिसरातील पायाभूत सेवा सुविधांचे सर्वेक्षण करून त्या वस्तीची सूक्ष्मस्तरीय माहिती तयार केली जाते . तयार झालेली सूक्ष्मस्तरीय माहिती नगर पालिकेद्वारे प्रमाणित केल्यानंतर सर्वांच्या उपयोगिते साठी सार्वजनिक डोमेन बरोबर जोडली / अंतर्भूत केली जाते. या प्रकारची सूक्ष्म स्तरीय माहिती सर्वाना स्थानिक पातळीवर काल्पनिक भौगोलिक दृष्टी देऊन प्रभावी पाठपुरावा करण्याचे सामर्थ्य प्रदान करते. सर्वात असुरक्षित आणि दारिद्र्य रेषेखालील लोकसंख्या असलेली वस्ती शोधून त्यांचे साठी एखादी विकास योजना आखताना किंवा वस्तीत हस्तक्षेप करताना अशा प्रकारची सूक्ष्म स्तरिय माहिती अत्यंत महत्वाची ठरते.