वस्ती समुदाय व शासकीय अधिकाऱ्यांशी झालेल्या चर्चेतून संस्थापकांना दोन गोष्टी जाणून घेता आल्या त्या म्हणजे अशा की, झोपडपट्ट्यांची उपलब्ध असलेली माहिती आणि प्रत्यक्ष परिस्थिती यात खूप मोठी तफावत आहे. वस्ती समुदायांना विकास कामात सहभागी करून घेणे आवश्यक आहे. परिणामी वस्त्यांमध्ये विकास घडवून आणण्यासाठी माहिती आणि वस्ती समुदाय केंद्रस्थानी ठेवणे महत्वाचे आहे.
अथक प्रयत्न आणि कार्याची पुनरावृत्ती यांच्या परिणामाने एकोणीशे नव्वद सालच्या उत्तरार्धात एक उत्तम भौगोलिक माहिती प्रणाली ( GIS ) निर्माण झाली. प्रशिक्षित GIS टीमने वस्त्यांमध्ये सर्वेक्षण सुरु केले आणि सामाजिक, आर्थिक व पायाभूत सेवा सुविधांची माहिती प्रणाली तयार केली. त्यानंतर आम्ही सर्वप्रथम पुणे महानगरपालिका अंतर्गत शहर व्याप्त वस्त्यांचे दारिद्र्य सर्वेक्षण हाती घेतले आणि माहिती तंत्रज्ञानाचा वापर करून महाराष्ट्रातील पुरावा आधारित वस्त्यांच्या विकास कार्यात हस्तक्षेप करण्यास सुरुवात केली.
याचे उत्तम उदाहरण म्हणजे आमचा “एक घर एक शौचालय ” प्रकल्प. प्रकल्प अंमलबजावणी भौगोलिक माहिती प्रणालीच्या ( GIS ) आधारे केली जात असून आजवर महाराष्ट्रातील ७ शहरांमध्ये भागीदारी तत्वाच्या आधारे २७,५५० पेक्षा जास्त वैयक्तिक शौचालये उपलब्ध करून दिली आहेत. हा उपक्रम आमच्या कामाचा प्रमुख भाग असून त्याद्वारे झोपडपट्टीतील दीड लाख व्यक्तींच्या आरोग्य आणि स्वच्छता विषयक सवयीत सुधारणा झाली आहे.
वास्तुविशारद म्हणून शेल्टर असो. संस्थापकांना विश्वास आहे की सामाजिक बदल घडवून आणण्याची मोठी क्षमता दर्जेदार अंगभूत वातावरणामध्ये आहे. या विचाराने प्रवृत्त होत संस्थेने १९९६-९७ मध्ये दत्तवाडी, पुणे. येथे पहिला गृहनिर्माण प्रकल्प उत्स्फूर्तपणे हाती घेतला व यशस्वीपणे पूर्ण देखील केला. ज्याचा उल्लेख आमच्या कार्यातील मैलाचा दगड म्हणून करता येईल. एकूणच हा प्रकल्प सर्वार्थाने असाधारण होता असे म्हणावे लागेल , कारण समुदायातील लाभार्थी महिलांचा प्रकल्पामध्ये कृतिपूर्ण सहभाग होता . भविष्यातील आमच्या सर्व गृह प्रकल्पांसाठी हा प्रकल्प एक आदर्श ठरतो. संपूर्ण प्रक्रियेमध्ये म्हणजे अगदी प्रकल्पाच्या आखणीपासून पुढील प्रत्येक पायरीवर समूहाचा सहभाग महत्वाचा आहे. सरकारच्या पीएमएवाय गृहनिर्माण योजनेंतर्ग सध्या हाती घेतलेला बोंन्द्रेनगर, कोल्हेपूर येथील झोपडपट्टी पुनर्विकसनाचा लाभार्थी -भिमुख प्रकल्प हे याचे उत्तम उदाहरण आहे.
गेल्या ३ दशकात आम्ही महाराष्ट्रातील ६५० झोपड्पट्ट्यांपैकी , ४ लाख झोपड्पट्टीवासियांवर थेट परिणाम केला आहे. स्थानिक प्रशासन व वस्तीतील रहिवासीयांना एकाच व्यासपीठावर आणल्यामुळे हे शक्य झाले. भौगोलिक माहिती प्रणाली व वस्तीतील समुदायाची संवेदनशीलता या दोहोंच्या एकत्रिकारणाने एक नवे व्यासपीठ उपलब्ध होऊन , एक समान उद्दिष्ट गाठण्यासाठी एकाचवेळी अनेक भागधारक भाग घेऊ शकतात. ज्यामुळे कामात गतिशिलता येऊन, शहर विकासात वस्तीतील रहिवासी देखील समान भागीदार बनतात.

मूळ मूल्ये

1. प्रतिष्ठा: आदरयुक्त नातेसंबंधांची जोपासना
2. गुणवत्ता: शाश्वत परिणामांसाठी गुणवत्ता पूर्वक / दर्जेदार काम
3. प्रामाणिकपणा:  सत्याची कास धरून वाटचाल
4. नाविन्य:  चांगली सेवा देण्यासाठी नाविन्याचा शोध
5. संघकार्य: कायम संघ भावनेने / एकत्रित कामास प्राधान्य
6. सहयोग: सर्व भागधारकांचा निर्णयप्रक्रियेत समावेशक